Полный вариант молитвы о русском воинстве

Молитва составлена в 1812 г. по указу Государя императора Александра I епископом Августином, Московским викарием, во время Отечественной войны с Наполеоном.

Предназначена для ежедневного чтения по храмам Российской Империи на Литургии. Такой же текст в сокращении читался по всем храмам Русской Православной Церкви в Великую Отечественную войну.

"Господи Боже Сил, Боже спасения нашего, Боже творяй чудеса Един, призри в милости и щедротах на смиренныя рабы Твоя, и человеколюбно услыши и помилуй нас: се бо врази наши собрашася на ны, во еже погубити нас и разорити святыни наша. Ты же вся ведый, веси, яко неправедно воссташа на ны, и яко не возможем мы противостати множеству их, аще не Ты явиши помощь нам. Темже грешнии и недостойнии в покаянии со слезами молимся Ти: помози нам Боже Спасителю наш, и избави нас славы ради имене Твоего, да не когда рекут врази наши: "Бог оставил есть их, и несть избавляяй и спасаяй их", но да уведят вси языцы, яко Ты Бог наш и мы людие Твои, под державою Твоею всегда хранимии. Помилуй ны, Владыко, Боже всех, и воззри, и наложи страх Твой на вся языки; воздвигни руку Твою на языки чужды, и да узрят силу Твою. Якоже пред ними освятился еси в нас, такожде пред нами возвеличися на них; и да познают Тя, якоже и мы познахом Тя, яко несть Бога разве Тебе, Господи. Обнови знамения и измени чудеса, прослави руку и мышцу десную Твою, воздвигни ярость и излий гнев, изми супостата и сотри врага, поспеши время и помяни клятву, и да поведят величия Твоя. Гневом огня пояден да будет спасаяйся, и озлобляющие людей Твоих да обрящут пагубу. Сокруши главы князей вражиих, глаголющих "Несть разве нас" ("нет равных нам"). Ей, Господи Боже, Спасителю наш, крепосте и упование и заступление наше, не помяни беззаконий и неправд людей Твоих, и не отвратися от нас гневом Своим, но в милости и щедротах Твоих посети смиренныя рабы Твоя, ко Твоему благоутробию припадающия, восстани в помощь нашу и разруши лукавыя советы мыслящих нам злая; суди обидящия и побори борющия ны, и обрати нечестивое дерзновение их в страх и бегство. Православному же воинству Русскому и воинству народов, в союзе с нами сущих, подаждь во мнозем дерзновении и мужестве именем Твоим победити. А имже судил еси положити на брани души своя - тем прости согрешения их, и в день праведного воздаяния Твоего воздай венцы нетления; Ты бо еси заступление, и победа, и спасение уповающим на Тя, и Тебе славу воссылаем, Отцу и Сыну и Святому Духу, ныне и присно, и во веки веков. Аминь".